|
У Вялікую Айчынную вайну з ліпеня 1941 г. да 27.06.1944 г. вёска акупіравана нямецка-фашысцкімі захопнікамі. У хуткім часе пасля акупацыі ўзнікла камсамольска-маладзёжная падпольная група. Гітлераўцы нанеслі значныя страты вёсцы. Па афіцыйных данных, з франтоў мінулай вайны ў вёску не вярнуліся 47 жыхароў. Спалены за дапамогу партызанам: Шайнікаў Франц Паўлавіч, Шайнікава Браніслава Андрэеўна, Шайнікава Надзея Браніславаўна, Шайнікаў Станіслаў Францавіч, Шайнікаў Віктар Францавіч, Шайнікава Таццяна Францаўна.
Край у гады Вялікай Айчыннай вайны : Фашчаўскі сельскі Савет // Памяць : гісторыка-дакументальная хроніка Шклоўскага раёна. – Мінск : Універсітэцкае, 1998. – С. 253. |
|
| |
|