Вы на странице "Пра тых, хто родны край праславіў"

 

Герой Савецкага Саюза 
Панцялей Ігнатавіч Ярмоленка  
    Панцялей Ігнатавіч Ярмоленка - старшыня Савецкай Арміі, удзельнік Вялікай Айчыннай вайны, Герой Савецкага Саюза (1943).
     Панцялей Ярмоленка нарадзіўся 7 верасня 1909 года ў вёсцы Пруды (цяпер - Шклоўскі раён Магілёўскай вобласці). Атрымаў пачатковую адукацыю, працаваў вадзіцелем у калгасе. У лютым 1942 года Ярмоленка быў прызваны на службу ў Чырвоную Армію. Са жніўня таго ж года - на франтах Вялікай Айчыннай вайны.
     Да верасня 1943года гвардыі сяржант Панцялей Ярмоленка камандаваў гарматай198-га гвардзейскага стралковага палка 68-й гвардзейскай стралковай дывізіі 40-й арміі Варонежскага фронту. Вызначыўся падчас бітвы за Днепр. 24 верасеня 1943 года падчас баёў на плацдарме на заходнім беразе Дняпра ў раёне сяла Балыка-Щучынка Кагарлыкскага раёна Кіеўскай вобласці Украінскай ССР Ярмоленка асабіста знішчыў некалькі дзесяткаў салдат і афіцэраў праціўніка, а таксама знішчыў некалькі агнявых пунктаў.
     Указам Прэзідыума Вярхоўнага Савета СССР ад 13 лістапада 1943 года за ўзорнае выкананне баявых заданняў камандавання і праяўленыя пры гэтым гераізм і мужнасць гвардыі сяржант Панцялей Ярмоленка быў удастоены высокага звання Героя Савецкага Саюза з уручэннем ордэна Леніна і медаля «Залатая Зорка».
     У 1947 годзе ў званні старшыні Ярмоленка быў дэмабілізаваны. Пражываў у вёсцы Ліма Серышэўскага раёна Амурскай вобласці, працаваў старшынёй калгаса, затым майстрам сушыльнага агрэгата.
     Памёр 24 кастрычніка 1984 года, пахаваны ў Ліманным.  
Удзельнік парада Перамогі 
Сяргей Юр’евіч Цароў 
    Парад на Чырвонай плошчы Масквы 24 чэрвеня 1945 года — гістарычны парад Перамогі, які адбыўся ў Маскве, на Чырвонай плошчы, у азнаменаванне перамогі СССР над Нямеччынай у Вялікай Айчыннай вайне.
     Вялікім гонарам – быць удзельнікам гэтага гістарычнага Параду, быў удастоены Сяргей Юр’евіч Цароў, ураджэнец вёскі Рудзіцы Шклоўскага раёна.
     З 23 чэрвеня 1941 года быў байцом Карэльскага фронту. Член КПСС з 1942 года. За праяўленую мужнасць узнагароджаны ордэнам Чырвонай Зоркі, медалямі «За адвагу», «За баявыя заслугі».
     Пасля вайны працаваў завучам у Забродскай СШ, затым быў дырэктарам. Выхаванню дзяцей у Забродскай СШ Сяргей Юр’евіч аддаў больш за дзесяць гадоў, не менш узначальваў педагагічны калектыў Заходскай СШ. За яго старанні узнагароджаны медалём «За працоўныя адзнакі», значком «Выдатнік народнай асветы». У 1970 годзе ўзнагароджаны ордэнам Кастрычніцкай рэвалюцыі.
     Вялікім гонарам – быць удзельнікам гэтага гістарычнага Параду, быў удастоены Сяргей Юр’евіч Цароў, ураджэнец вёскі Рудзіцы Заходскага сельскага савета Шклоўскага раёна.  
Герой Сацыялістычнай Працы 
Мікалай Віктаравіч Другакоў 
     Дзевятая пяцігодка папоўніла рады Герояў Сацыялістычнай Працы Шклоўскага раёна. Яшчэ прыбаўляліся ўраджаі на палях, не змяншалі вытворчасць малака і мяса жывёлаводы. Перадавыя з іх атрымлівалі ўрадавыя ўзнагароды. У 1976 годзе бульбаводу-механізатару калгаса імя Андрэева (цяпер АТ «Ніва») Мікалаю Віктаравічу Другакову было прысвоена званне Героя Сацыялістычнай працы.
     Другакоў Мікалай Віктаравіч нарадзіўся ў 1930 г. у в. Азер’е. Пасля заканчэння сямігодкі і курсаў механізатараў працаваў трактарыстам. Зволіўшыся з радоў Савецкай Арміі, зноў стаў механізатарам у калгасе імя Андрэева. Прымаў актыўны ўдзел у грамадскім жьцці калгаса. На аснове механізаванага звяна Другакова М. В. у калгасе імя Андрэева створана школа перадавога вопыту па апрацоўцы і ўборцы бульбы.
     За высокія вытворчыя паказчыкі ў 1972 г. Мікалай Віктаравіч узнагароджаны ордэнам Леніна, у 1971 г. — ордэнам Працоўнага Чырвонага Сцяга. У 1977 г. указам ІІрызідыума Вярхоўнага Савета СССР Другакову Мікалаю Віктаравічу прысвоена званне Героя Сацыялістычнай Працы.
Узнагароджаныя ордэнам Леніна 
     Бабкова Марыя Астапаўна – свінарка калгаса імя Андрэева (1973)
     Другакоў Мікалай Віктаравіч – механізатар калгаса імя Андрэева (1972)
     Казімірава Сафія Барысаўна – цялятніца калгаса імя Андрэева (1973)
Узнагароджаныя ордэнам Кастрычніцкай рэвалюцыі  
     Гарбаты Мікалай Якаўлевіч – былы старшыня калгаса імя Андрэева (1973)
     Цароў Сяргей Юр’евіч – удзельнік Парада Перамогі (1970) 
Узнагароджаныя ордэнам Працоўнага Чырвонага Сцяга  
     Варанцоў Пётр Цімафеевіч – начальнік вытворчага участка калгаса імя Андрэева (1977)
     Другакоў Уладзімір Астапавіч – трактарыст калгаса імя Андрэева (1973)
     Цітова Лідзія Дзмітрыеўна – даярка калгаса Імя Андрэева (1973) 
 
213004, Могилёвская обл., г.Шклов ул.Советская д.2
E-mail: Shklov-cbs@yandex.ru
тел. 8(0239)-32-141; 8(0239)-31-460
Design and development Victoria Voronkova