Гарады, вёскі, мястэчкі можна назваць своеасаблівымі кнігамі. І сапраўды, старыя назвы шмат чаго могуць расказаць пра мінулае, перанесці нас на сотні гадоў назад.
Назва – гэта перш за ўсе помнікі вуснай народнай творчасці і ставіцца да іх трэба з павагай.
У спадчыну ад мінулых пакаленняў нам дасталася вялізная колькасць назваў. На нашай зямлі, бадай, не знойдеш аніводнай, якая б узнікла выпадкова, без прычыны.
Гады ляцяць, мінаюць стагоддзі, а памяць застаецца. Толькі ёй у многіх выпадках мы дзякуем за тое, што даносіць да нас, сённяшніх жыхароў, водгаласы далёкай мінуўшчыны.
Вашай увазе прапануецца інфармацыйны рэсурс «Легенды і паданні роднага краю». Выкарыстоўваючы гэты рэсурс, Вы маеце магчымасць пазнаёміцца з легендамі і паданнямі, праз якія да нас дайшлі вельмі цікавыя пазнавальныя старонкі пра далёкае мінулае роднага краю.
Інфармацыйны рэсурс «Легенды і паданні роднага краю» адрасаваны тым, хто цікавіцца гісторыяй роднага краю, духоўнай культурай беларускага народа. |